صوت وصورة

[سعود بن نويمي]

خزامى الصحارى (http://www.alriyadh.com/2012/02/24/section.culture.culkh.html)



صوت الصورة

http://s.alriyadh.com/2012/02/24/img/022497272051.jpg
صورة العدد مصدرها صحيفة تبوك الإلكترونية
إعداد - بكر هذال
من هاب راس النايفات الرفاعي
قام وقع وطاح في وسط جرفه
والرزق بأطراف الفجوج الوساعي
دل الرشا مادام بالبير غرفه
عبدالله الخضير الشراري - الرديفة

الما نشف شف هالطفل مالقى شي
خذ عبرةٍ يا مهدره دون حاجه
بالهون قال أبوه لا تهدر المي
ونفذ كلامه لو تعكّر مزاجه
الما نما كل شي من شربته حي
محي الديار اللي دفنها عجاجه
فهد بن عقيل الطويان - بريدة

المائي نعمة ليتكم تعرفونه
يا ماسكين المائي خافوا من الله
بعض الاوادم بعضهم يدركونه
والبعض منهم ماخذ المائي فله
طلال بن غارم آل فرحان - الرياض

صورة وفيها من الأسى عدّة ألوان
فقر وكسافة والموارد قليله
جاب القدر للغسل والحال تعبان
والطفل يفزع غير ما فيه حيله
الما شحيح وتشتكي كل الأوطان
نطلبك يا منشي المطر من مخيله
خالد بن ناصر المخيمر - روضة سدير

ذكرت أنا الزيّر والشنّه
وقتٍ مضى ليت ما يعودي
يا جعل سلطان للجنّه
اللي حفر بير وسدودي
عبدالكريم عبدالرحمن السلوم - القرائن

أطفال بالصوت والصوره
لابد نقضي لوازمهم
كلٍ على قد ميسوره
يارب هون مصايبهم
غازي قاعد السليس - الدوادمي

يا جعل تسقى من زلال السلامه
وتحفظ ايدينا تروي الما ضماها
هذا الولد يغنيك لو قل عامه
بعض الضنا لوتطلبه ماعطاها
محمد خلف العنزي - الخرج

الماء ترى مطلوب في كل الاصقاع
لكن نشوف البعض هم يهدرونه
واللي على الاسراف هو شين الاطباع
والمصلحة يا ليتهم يغرمونه
محمد عبد العزيز الخنيفر - أشيقر

يالله دخيلك يا وسيعين الابصار
من نعمة محدٍ يقدر ثمنها
أطفال ذاقت من تعبها الامرار
قبل الكلام تقوم تعمل عملها
حمد عبدالله الوايلي - حوطة سدير

ياونتي ونّة المقرود
لا صار للمي شفقاني
لا سيل لا ترعةٍ وسدود
عينه على النقط شفقاني
عبد الكريم النغيمشي – الربيعية

ازريت لا اميز الصوره
ارجوك يا بكر وضّحها
رجال وطفلة وماصوره
والما بها عجز يفتحها
ماضٍ لها وقت مهجوره
تبي لها من يصلّحها
زبن مقبل العنزي - بريدة


http://s.alriyadh.com/2012/02/24/img/581849508312.jpg
صورة العدد السابق


نستقبل مشاركاتكم على إيميل الخزامى :
rb-khozama@alriyadh.com
أو الفاكس رقم: ٤٨٧١٠٧٠
ونرحب بالصور الهادفة والطريفة


منقووووووووووووووووووووول من الرياض